المربعات الجانبية

تجربتي مع ايهيرب

مجموعة صوابين من خآن الصابون و لوكستيان و آيهيرب و لش

السلام عليكم ورحمة الله وبركاته

مرحباً بكل المتابعين من جميع الدول العربية ،أسعدني تواجدكم.

كنت مقررة بالمدونة ما أحط إلا التجارب الناجحة و السيئة والناجحة تكون بالأنستقرام لكن قلت لتسهيل البحث أفضل أستخدام المدونة خصيصاً الأنستقرام من الصعب أنك تحصلين منتج بحد ذاته خصيصاً أن في فئة كبيرة يستخدم الهاش تاق بطريقة سيئة ومستفزة لذلك حبيت أني كل مرة أكتب بوست بعدد من المنتجات الي سيئة أو ما استفدت منها أو ما ناسبتني …

جيل الصبار من ذا فيس شوب Aloe Fresh

كنت متأملة فيه بسبب قوامه وكميتة الكبيرة وكل ماروح ألاقيه مخلص
توقعت أنه البديل لجل الصبار الي عند التاجرات الكوري
المفروض أنه يهدأ البشرة ويبردها
لكن الي حصل حطيته أربع مرات بعد كم ساعة أحس بحريقة تحت بشررتي وملمسها جداً حاار و أحط عليها ثلج
عرفت أنه منه لأن هو الشي الوحيد الي بنظامي جديد انقهرت ووقفته
سعره خمسين ريال

Neocell, Super Collagen+C حبوب الكولاجين الأمريكية

ماستفدت منها ولا شيئ و وجودها والعدم واحد كنت اخذها على معدة فاضية.

CC CREAM THE FACE SHOP سيسي كريم من ذا فيس شوب

من المرات النادرة الي أشتري شيئ و ما أقرأ ريفيو عنه
لقيت هالسيسي كريم قلت فرصة أشتري منتج كوري وصناعته كوريه
أسم المنتج. Face it smart capsule cc cream
شكل المنتج:كيوت من طريقة ضغطه فوق يطلع لك المنتج بس بعدين تكتشفين أنه يحوس العلبة اللون أول ماتحطينه أبيضضض بعدين يتفاعل مع لون بشرتك
وصف المتج :يصحح لون البشرة يوجد فيه فيتامينات تجعل البشرة خالية من العيوب ويعطي اشراقة،ثباته ١2ساعة ونسبة الحماية 40

تجربتي :
من المنتجات الفاشلة الي قد جربتها
مو ذاك التغطية الي كنت متوقعتها بعد كم دقيقة يجتمع زي النقاط بالبشرة كأن قشور 😳وجربته مرة ثانيه حطيت مرطب ونفس النتيجة
جربته أربع مرات بالبيت كل مرة أقول يمكن الحين بشوفه كويس
غير أن إذا جيت بمسحة القطنة تمتلي لووون مو طبيعي أحس أني حاطة منه ثلاث طبقات. 😳أشوى ماطلعت لي حبوب ببشرتي ماعرف كيف هالثقل ومايغطي
متحسفة عليه ممكن أخلطه مع منتج ثاني ؟مدري
سعرة فوق المية ريال

Enzymatic Therapy, Derma Klear Akne • Zime, Skin Health حبوب لمكافحة حب الشباب

الوصف :
يعزز صحة الجلد
يقلل من حب الشباب
في العلبة تسعين حبة وناكل حبتين باليوم
خذيته كتجربة استخدام شيئ للجسم للتقليل
من حب الشباب لكن ماستفدت منه
خلصته ولا استفدت 😴
حسافة الخمسين ريال عليه 😂💔💔

ويبد كريم من أكس فاكتور whipped cream

قبل فترة كنت أبحث عن
فاونديشن يناسب البشرة الحساسة
ولقيت ويبد كريم من ماكس فاكتور شدني
رغم أني ماحب هالماركة ولقيت جويل تمدحه
أنه يناسب البشرة الحساسة.
تجربتي :
نادر ما أحتار بإختياري لدرجتي بالفاونديشن
كنت مترددة بينها وبين درجة ثانية اخترت لايت 40
أول شيئ التعليب جداً غبي !
كريم أساس لابد يكون ضغاط ولا بلاها
الأكيد أني بستخدمه ويدي نظيفة بس ولو !
ثانيا ريحته جداً جداً مزعجة 😫😫مع أن كاتبين يستخدم مواد طبيعية.
قوامة لييين ويتوزع بسرعة ع الوجه
ثواني ووجهي صاير رماادي 🌚🌚
ماعرف من الدرجة 😅
ولا من هالريحة. مانصح فيه و ابتشلت

شركة ألف من الشركات الي عندهم منتجات متعددة للمكياج

بأسعار رخيصة جداً أعرفها من زمان بس ماقد جربتها إلا بعد ماوقعت بحب موقع ايهيرب.
و أشوف البنات و التاجرات الحين هبو فيها
أبي من زمان سكراب للشفايف و مالقيت بمحلاتنا والي أشوفهم بالنت بعلب. هذا حبيته ليش ؟
شكله أصبع مثل الحمرا أحس ان عملي أكثر

أسم المنتج :elf lip exfoliator
مكوناته. زبدة الشيا و سكر و بذور العنب
ريحة المنتج تهبلل كأنها فانيلا يتاكل شوقر.
تجربتي :
حبيته صرت أهتم بشفايفي أكثر أقشر مرتين لثلاث بالأسبوع لأن شفايفي ع طول تنشف بعد ماحرك الاصبع ع الشفايف احاول أدعك بشويش راح تلاحظين بذور العنب والسكر صارو أخشن وبدا جلدك يطيح أوقف و أخليه ع شفايفي ثواني بعدين باصبع يدي أفرك أكثر أمسح المنتج بفوطة شوي خشنة أو منديل النتيجة شفايف خالية من القشور بعدها مرطب للشفايف
هالشهر قاعدة أستخدم مرطب eos
سعرة :3$ حوالي 12 ريال
مكان :اشتريته من موقع آيهيرب و فيه بأمازون و موقعهم الرسمي
لا تشترونه بأكثر من 25 ريال أشوف تاجرات يبيعونه بستين حرام.

هل راح أرجع أشتريه :يمكن لو كنت شاريه حاجات باخذه معاه بس ماراح أتعنى له والسبب أني أستخدمه بكثرة ممكن أسوي مكوناته بالبيت عندي زبدة شيا و فيتامين إي و سكر و أقارن أيهم أحسن. بالعموم الحاجات الجاهزة أستخدمها أكثر

عارفين لما تشترون شيئ و تحسونه مابيفيدكم بس بتشترونه.

كان في عرض بموقع آي هيرب و اخترت هالمنتج لتكملة الوزن لا أقل ولا أكثر توقعته عبيط.

ماسك لمنطقة تحت العين بيفيتامين إي

، في ماسكين بس ينحط تحت المنطقة لمدة 15 دقيقة الماسك مليان المادة .يسوي رفرش لمنطقة تحت العين ويرطبها
حبيتها جدا جدا بعد الماسك بكم ساعة حطيت كريمي لتحت العين حسيت ان المنطقة صارت أنعم.

صناعته كوريه، سعره رخيص جداً 0.50$ دولار

أحد الأشياء الي ندمانة ماشريته من أول ما البلوقرز الأجانب هبو فيه،توقعت مبالغة فيه. لكن شفت قناة”أسأل مجرب دائماً ماتمدح فيه”
قررت أطلبه من النت راح يصير أرخص علي من شراءه من صيدلية بوتس “بالدمام موجودة بالعثيم مول” سعره فوق المية.
أول شي أيش هو البيو أويل و أيش فايدته ؟
مزيج من المستخلصات النباتيه والفيتامينات في أساس زيتي وزيت الخزامى و أكليل الجبل وخلاصة البابونج

فوائدة
١-لتشققات البطن”الأسترش ماركس”💔
٢-لأثار حب الشباب و الندوب💔
٣-توحيد لون البشرة
٤-تخفيف ظهور علامات تقدم السن .

تجربتي :
سبب الشراء لتشققات البطن و ندوب الوجه
الزيت على أن باقي الزيوت الواحد مايحب يستخدمها بسبب قوامها إلا هالزيت قوامه خفييف وتمتصه البشرة بسرعة “ريحته عاديه ع صابون مو شينة أبداً زي أغلب الزيوت.
استخدمه على البطن بعد الشاور بشرتي صايرة ندية ومرطبة واحساس النعومة مستمر ماعمري شفته بمنتج اخر 😍جربته أكثر من مرة قطرات خفيفة قبل الفاونديشن كنت أبي أرطب بشرتي. هل تخلصت من التشققات ؟
لا هذي أول علبة لي كثير من البلوقرز الي أتابعهم قالوا بعد ثالث علبة راح نلقى النتيجة ولازم الاستمرار بالنسبة لي مبسوطة من هالنعومة و أفضل بمراحل من الكريمات .
في حجمين للعلبة زي منتو شايفين حجم كبير وصغير الكبير شريته قبل ولما شفت بيخلص طلبت الصغير وندمانه ياليت كملت وطلبت كبير 💔💔الصغير ناويه أخليه لوجهي
من وين طلبته ؟
من موقع اي هيرب أفضل موقع لهذي الشغلات IHERB
سعر الكبير :19.18 دولار حول الخمسة وسبعين ريال
سعر الصغير:11.50دولار حول الخمسة والخمسين ريال

هل راح أرجع أشتريه :أيه إن شاء الله ❤❤يستاهل كل ريال فيه