موضوع الاسبوع بيكون عن طريقة الطلب من اي هيرب مثل ماوعدتكم اني انزل طريقة الطلب من اي موقع تختارونه
ولان الاغلبية طلبت طريقة اي هيرب فبشرحها بالتفصيل
بس قبل ابدا بالطريقة بوضح كم نقطة دايماً يجيني سؤال عليها
اولاً اذا قلت موقع يشحن مباشر للسعودية هذا مايعني انه مايطلب الدفع بالفيزا او الماستر كارد او الباي بال
يعني الشحن المباشر مجرد خدمة توصيل الموقع لدولتك مباشرة بدون شركات بريد اجنبي مثل ورلد شيب او ماي يو اس
خاصية الدفع عند الاستلام نادرة في المواقع الاجنبية والمواقع اللي تعتمدها تنعد على الاصابع واي هيرب مو منهم
يعني اي هيرب يتطلب يكون عندك فيزا او ماستر كارد للدفع والدفع فيه قبل الاستلام
بطاقة الحساب الجاري ماينفع تكون فيزا
اسعار الموقع بالريال ويشحن على شركة الشحن المفضلة عندي دي اتش ال
شركة الشحن توصل لكل مناطق المملكة يعني تغطي كل المناطق
في الطلب من المواقع ماتحتاجون صندوق بريد او رمز بريدي لان الشركات توصل لعناوين بيوت مو لصناديق بريد ولو طلب الموقع صندوق بريد او رمز بريدي حطوه اصفار وبس
موقع اي هيرب مايدعم اللغة العربية وصور الناس لموقع اي هيرب باللغة العربية هي مترجمة من قوقل في المتصفح نفسه
موقع اي هيرب يعتبر من ارخص المواقع واسعاره رخيصة جداً وحتى اسعار شحنه
وهنا تكلمت بالتفصيل عن التسوق اون لاين عموماً وتكلمت عن البريد الاجنبي والفيزا وانواع شركات الشحن وغيره شوفو الموضوع خذو فكرة عنه
وهذا رابط تكلمت فيه عن كيفية طلب العطور اون لاين بالصور وممكن يفيدكم بأي سؤال مو في هذا الموضوع
طريقة الطلب من الموقع سهلة جداً مجرد تعبئة معلومات مطلوبة
وبوضح لكم بالصور كل الخطوات
اول شيء تسوون حساب لكم في الموقع عن طريق
بعدين تعبون هذي الخانات اول شي الايميل بعدها تأكيد للايميل
ثم كلمة المرور وتأكيد كلمة المرور
بعدين قدامكم خيارين الاول خيار انكم توافقون الموقع يرسل لكم العروض والخصومات واخر الاخبار
الخيار الثاني هو انكم تطلبون ايميلات عن معلومات طلباتكم فقط
اختارو اللي تحبون بعدها اضغطو
بعدين تمشو في الموقع واجمعو المنتجات اللي حابين تطلبونها وعشان تنتقلون لصفحة الدفع تضغطون على عربة التسوق
وتنتقلون لصفحة اغراضكم وعشان تنتقلون لصفحة الدفع تنزلون لاخر الصفحة وتضغطون على
Proceed to Checkout
بعدها راح تطلع لكم صفحة عنوان الشحن
وتعبون بياناتكم مثل ماهو مطلوب اول شي الاسم الكامل بعدها العنوان المدينة والحي والشارع وتختارون من القائمة مدينتكم
في خانة الولاية تعيدون كتابة اسم مدينتكم
وخانة الرمز البريدي حطوها اصفار واخر شي رقم الجوال
بعدها نضغط نكست
وننتقل لصفحة الدفع
تعبون الخانات الخاصة ببطاقتكم المستخدمة للدفع اما فيزا او ماستر كارد وغيرها
اولاً تحطون اسمكم مثل ماهو مكتوب على البطاقة وبعدها رقم البطاقة وتاريخ انتهاء البطاقة واخر شي الرمز اللي هو الثلاث ارقام خلف البطاقة
تطلع لكم صفحة عنوان الدفع واختارو خيار عنوان الدفع نفس عنوان الشحن مثل الصورة واضغطو نكست
بعدين اخر صفحة فيها عرض لطلبكم للتأكيد وتأكدو من المعلومات اسمكم والرقم والعنوان وكميات الطلبات واخر شي عشان يتم الطلب وينخصم المبلغ من الفيزا
بعدها بوقت بسيط ينخصم المبلغ من حسابكم ويجيكم ايميل تأكيد الطلب
والشحن يختلف اما بعد الطلب بكم دقيقة ينشحن طلبكم او بعد الطلب بخمسة ايام عادي يعني على حسب توفر طلبكم في المخزن وعلى حسب يوم طلبكم يعني اذا جلستو يومين ماانشحن طلبكم لا ترتاعون عادي
وبكذا يكون طلبكم تم مع اي هيرب
ولو حصل ووصل اي منتج طلبتوه من اي هيرب تالف او مكسور كلمو خدمة العملاء في المحادثة الفورية وراح يعوضونكم بقيمته مباشرة وبسرعة
فقط اعطوهم رقم الطلب واسم المنتج التالف واحياناً يطلبون صورة للمنتج المتضرر وصورة الضرر وبس
بالنسبة للمواقع الثانية راح انزلها بعد فترة من باقي المواقع اللي طلبتوها
ولاي سؤال اسألو في الكومنتس او في تويتر
طلبت وجاتني ها رسالة The credit card is declined.
This can be caused by, but not limited to one of the following reasons:
Incorrect digit entered or numbers transposed when entering the card information
Insufficient funds in the account.
Issuing bank is offline or unavailable to authorize the charge.
Card is not authorized for Internet transactions.
Card has been disable by the issuing bank due to fraudulent activity on the card.
Please try to re-enter the card information or contact your bank for more details
ايش الحل؟
رفض البطاقة اما رقمها غلط او بياناتها او مافيها رصيد كفاية كلمي البنك تأكدي من رصيدها وكم مبلغ العملية المرفوضة بالضبط وتأكدي من بياناتها المدخلة
عادي اطلب وماعندي فيزا بس عندي مستر كارد ؟
الموقع حاط صور وسائل الدفع المقبولة منها الفيزا والماستر كارد
وهذي وسائل الدفع المقبولة فيه
VISA
Mastercard
American Express
Discover
JCB
Diners Club International
BC
هند بالنسبة للشحن هل بامككاني تغيير شركة الشحن بدلا من DHL. والا هي الافضل لأن الرسوم مرتفعه قليلا
فيه خيارات شركات الشحن تحت في اخر الصفحة وغالباً دي اتش ال الارخص في اي هيرب
Leave a Reply Cancel reply
Search/بحث
Recent Posts/المواضيع الأخيرة
Recent Cmomments/التعليقات الأخيرة
Archives/الأرشيف
Categories/التصنيفات
حسابي في تويتر
%d bloggers like this: